Адептио ХХК

Дэлхийд анхны пассив барилга Дармштадт хот, Кранихштайн, Герман.

1980-аад оны сүүлээр тухайн үед Дармштадт хотын Орон сууц, хүрээлэн буй орчны институтэд ажиллаж байсан Профессор Доктор Вольфганг Файст (Dr.Wolfgang Feist) болон Шведийн Лундын Их Сургуулийн Профессор Бо Адамсон нар “Идэвхтэй халаалтын системгүй барилга” нэртэйгээр энэхүү инноваци шийдлийг анх боловсруулжээ.

Энэхүү төсөл шийдлийг үндэслэн Хессен мужийн санхүүгийн дэмжлэгтэйгээр 1991 онд Дармштадт хотын Кранихштайн дүүрэгт дөрвөн айлын (1 айл 156 м2) таунхаус барьсан бөгөөд энэ барилга нь дэлхийд анхны пассив барилга болжээ. 

Зүүн гар талаас: Бо Адамсон, Роберт Хастингс, Вольфганг Файст Пассив барилгын конференц Дюссельдорф 

Пассив буюу “идэвхгүй” барилга гэж нэрлэсний гол санаа нь: барилгын гадна хашлага хийцээр болон агааржуулалтаар дамжиж алдагдах бүх дулаан алдагдлыг идэвхтэй халаалтын систем ашиглах шаардлагагүй болтол бууруулахад чиглэсэн байлаа. Ингэснээр халаалтын үндсэн ачааллыг пассив эх үүсвэрүүд болох хүн, нар, гэр ахуйн цахилгаан хэрэгслүүд, сорж хаях агаарын дулааныг эргүүлэн ашиглах эсвэл бага чадалтай халаалтын систем ашиглах замаар хангах боломжтой юм. 

Пассив барилгын Хойд фасад Дармштадт, Кранихштайн, Герман
Энэхүү төсөл шийдлийг үндэслэн Хессен мужийн санхүүгийн дэмжлэгтэйгээр 1991 онд Дармштадт хотын Кранихштайн дүүрэгт дөрвөн айлын (1 айл 156 м2) таунхаус барьсан бөгөөд энэ барилга нь дэлхийд анхны пассив барилга болжээ.

1 м2 талбайд ноогдох дулаан алдагдал нь 10 Вт гэж тооцжээ. Сайн чанарын дулаан тусгаарлалт нь тус пассив барилгын халаалтын дулааны хэрэглээг маш бага жилдээ 1 м2 нь 25 кВт-аас бага байх нөхцөлийг бүрдүүлжээ. Энэ нь эрчим хүчний хэмнэлттэй барилгуудаас 75% бага байна. Пассив барилгууд нь эдийн засаг санхүүгийн хэмнэлттэйгээр тав тухтай нөхцөлийг хангах, цаашлаад байгаль орчны асуудлыг шийдвэрлэхэд үр өгөөжтэй гэдгийг харуулж байна.

Барилгын хашлага хийцийн үзүүлэлт 

1991 онд анхны пассив барилгын дулаалгын хоёр давхар үеийг угсарч байгаа нь

Барилгын хананаас хэмжилт хийх дээж авч байгаа нь

Хананаас хэмжилт хийх дээж аваад оронд нь түр хугацаанд эрдэс хөвөнгөөр дүүргэсэн байдал
Уг дээжийг Инсбрукийн их сургуульд судалгаанд илгээжээ. Судалгааны дүнгээр дулаалгын материалын дулаан техникийн үзүүлэлтүүд болон бат бэх чанарын үзүүлэлтүүд нь 25 жилийн ашиглалтын хугацаанд огт чанараа алдаагүй, хуурай сайн гарчээ.

Дулаан тусгаарлагч болон шавардлагын суналтын бат бэхийг шалгах тест хийж байгаа нь

"25 жилийн настай дулаан тусгаарлалтын систем хар салхины үед хэр сайн тэсвэрлэж чадах вэ?" гэсэн чухал асуултад хариулахаар гадна шавардлага болон дулаалгын материал хоорондоо хэр сайн барьцалдаж байгааг тогтоох суналтын бат бэх шалгах тест хийжээ.
Ингээд дулаан тусгаарлагчаас шавардлагыг салгахын тулд хэдий хэмжээний хүч хэрэгтэй болохыг хэмжжээ, шаардлагатай хүч нь 1 м2 талбайд дундажаар 7 тонн. Энэ үзүүлэлт нь дулаан тусгаарлалт нь маш хүчтэй хар салхийг тэсвэрлэх чадвартайг харуулсан байна.

Германы Дармштадт хотын өвлийн дундаж температур, манай хавар намартай л ижил. Гадна агаарын температураас хамаарч дулаалгын зузааныг тооцдог. Тэгэхээр манай өвөлд илүү зузаан байхаар, гэхдээ дулаалгын зузааныг 30 см-аас нэмэгдүүлэхэд дулаан хамгаалах чадвар нь төдийлэн нэмэгддэггүй, ингэснээр эдийн засаг хөрөнгө оруулалтын хувьд ашиггүй болдог юм байна. Дараах зураг дээрх графикаас харна уу.

График дээр гурвалжингаар дээврийнх, дугуйгаар ханын дулаалгын зузаан ба дулаан шилжүүлэлтийн коэффициент (ДШК) хоорондын хамаарлыг харуулжээ. ДШК бага байх тусам сайн дулаан хамгаалалттай байна. Дулаалгын зузаан 0.25-0.3 м -ээс эхлээд ДШК-ийн өөрчлөлт маш бага, тэгэхээр дулаалга их л байвал сайн гэж үзэх нь үр ашиг багатай зардлыг нэмэгдүүлэх юм байна. Дулаалгын зузааныг эрчим хүчний хэмнэлттэй нөгөө талаас хөрөнгө оруулалтын үр өгөөжтэй цэг дээр огтлолцуулж тооцож сонгох чухал юм байна.